(ប៉ៃលិន)៖ មជ្ឈ​មណ្ឌលបណ្ដុះបណ្ដាលវិជ្ជាជីវៈខេត្តប៉ៃលិន(PLPTC) នៃក្រសួងការងារ និងបណ្តុះបណ្តាលវិជ្ជាជីវៈ បានផ្តល់អាហារូបករណ៍លើ ១១​មុខ​ជំនាញ តាមរយៈកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស(TVET 1.5M) របស់សម្ដេចមហាបវរធិបតី ហ៊ុន ម៉ាណែត នា​យក​រដ្ឋ​មន្រ្តី ព្រម​ទាំង​ផ្ដល់​ប្រាក់​ឧបត្ថម្ភប្រចាំខែ សម្រាប់យុវជនមកពីគ្រួសារក្រីក្រ និងគ្រួសារងាយរងហានិភ័យ។

ជាការកត់សម្គាល់នោះ មានមុខជំនាញចំនួន៣ ដែលត្រូវបានយុវជន អតីតពលករ និងពលរដ្ឋខេត្តប៉ៃលិន បាននាំគ្នាមក​ចុះឈ្មោះ​ចូល​រៀន​ជំនាញ​ច្រើន​ជាង​គេ។ មុខជំនាញទាំង ៣ នោះរួមមាន ការកែច្នៃបន្លែ និង​ផ្លែ​ឈើ សេវាកម្ម​រដ្ឋ​បាល សេវា​កម្មសម្អាង​កាយ ដែលសុទ្ធ​សឹងតែ​ជា​ជំនាញ​ស្រប​តាម​តម្រូវការទីផ្សារ​ការងារ និងអាចបង្កើនចំណូលបន្ថែម និងអាចបង្កើតអាជីវកម្មផ្ទាល់ខ្លួនផងដែរ។